Nvidia şirkəti süni intellekt (Sİ) agentləri və korporativ tapşırıqlar üçün nəzərdə tutulmuş DGX Station for Windows sistemini təqdim edib. Bu platforma Nvidia-nın Grace Blackwell infrastrukturunu Windows ekosisteminə inteqrasiya edərək trilyonlarla parametrə malik Sİ modellərini dəstəkləyir.
Sistemin mərkəzində 72 nüvəli Nvidia Grace CPU və 748 QB-a qədər vahid yaddaşla təchiz edilmiş GB300 Grace Blackwell Ultra Desktop Superchip dayanır. Cihaz NVLink-C2C interfeysi vasitəsilə RTX PRO 6000 Blackwell Workstation Edition kimi qrafik prosessorlarla əlaqələnə bilir. Sistem FP4 əməliyyatlarında 20 PFLOPS-a qədər məhsuldarlıq və ConnectX-8 SuperNIC vasitəsilə 800 QB/san şəbəkə ötürmə qabiliyyəti təklif edir.
Microsoft ilə əməkdaşlıq çərçivəsində hazırlanan bu iş stansiyası, Nvidia OpenShell platforması üzərində qurulub. Microsoft-un vitse-prezidenti Pavan Davuluri bildirib ki, bu yenilik Windows platformasında süni intellektin imkanlarını yeni səviyyəyə qaldırır.
DGX Station-ın 2026-cı ilin dördüncü rübündə satışa çıxarılması planlaşdırılır. Qurğular Asus, Dell Technologies, Gigabyte, HP, MSI və Supermicro kimi tərəfdaşlar tərəfindən tədarük ediləcək.
