İlon Mask və Sem Altman arasındakı məhkəmə çəkişməsində maraqlı bir detal ortaya çıxıb. Hakim Yvonne Gonzalez Rogers-in göstərişi ilə vəkillər mətbuat üçün kiçik bir kubokun üzərindəki yazını oxuyublar:
"Never stop being a jackass."Bu qeyri-adi suvenir "OpenAI" əməkdaşları tərəfindən məhkəmədə ifadə verən tədqiqatçı Coş Açiam (Josh Achiam) üçün xüsusi olaraq alınıb.
Qeyri-kommersiya müqavilə hüququ ilə bağlı olan bu məhkəmədə belə bir əşyanın peyda olmasının xüsusi səbəbi var. İddialara görə, İlon Mask "OpenAI" şirkətini tərk edərkən "Google"-u qabaqlamaq istədiyini bildirib. O zaman süni intellektin təhlükəsizliyi üzrə çalışan Coş Açiam bunun yaxşı fikir olub-olmadığını soruşduqda, Mask onu "jackass" adlandırıb. İllər sonra Mask öz iddiasını süni intellektin ciddi zərərlərinin qarşısını almaq cəhdi kimi təqdim etsə də, Altmanın komandası bu hadisəyə əsaslanaraq onun keçmişdə təhlükəsizlik məsələlərinə o qədər də önəm vermədiyini vurğulayır.
Məhkəmədəki birbaşa ifadəsi zamanı İlon Mask bu hadisəni inkar edərək, sadəcə
"Don't be a jackass."kimi bir ifadə işlətmiş ola biləcəyini qeyd edib. Hakim Yvonne Gonzalez Rogers isə qərara alıb ki, Maskın vəkilləri "OpenAI" komandasına xüsusi əsas verməyincə, andlı iclasçılar bu kuboku görə bilməyəcəklər. Nəticədə, məhkəmə iştirakçıları hələlik bu barədə yalnız şifahi məlumat dinləməklə kifayətləniblər.
