Sony-nin "Santa Monica" studiyası tərəfindən hazırlanan yeni oyun, seriyanın ənənəvi üslubunu qorumaqla yanaşı, oyun mexanikasında ciddi dəyişikliklər vəd edir. Hələlik buraxılış tarixi açıqlanmayan oyun PlayStation 5 platforması üçün nəzərdə tutulub.
Əvvəlki hissələrdən fərqli olaraq, bu dəfə oyunçular Kratosun əvəzinə onun həyat yoldaşı Faye (Laufey) obrazını canlandıracaqlar. Oyunun gedişatı ağır döyüşlərdən daha çox, sehrli bacarıqlar və aerobatik hərəkətlərlə zənginləşdirilmiş döyüş sisteminə əsaslanır. Həmçinin, oyunda uçan altıayaqlı pişik və oyunçuya kömək edən Phranque adlı danışan jelatin kub kimi qeyri-adi personajlar da yer alıb.
Oyunun səs heyəti:
- Deborah Ann Woll – Faye (Laufey)
- Jack Quaid – Phranque
- Perlina Lau – Rue (Fayenin qılıncına bərkidilmiş danışan lentlər)
2018-ci ildəki "soft reboot"dan sonra Sony-nin əsas brendlərindən birinə çevrilən God of War, 2022-ci ildə çıxan "Ragnarök" və bu il təqdim olunan "Sons of Sparta" ilə uğurunu davam etdirir. Yeni oyunun anonsu, oyun dünyasında uzun müddətdir hakim olan "ata" obrazlı hekayələrdən sonra "ana" obrazının ön plana çıxması baxımından əhəmiyyətli bir addım kimi qiymətləndirilir.
