Linch Zhang tərəfindən "LessWrong" forumunda dərc edilən təhlilə görə, "Magnifica Humanitas" adlı sənədin bəzi paraqraflarının 40 faizdən 100 faizədək süni intellekt tərəfindən hazırlandığı ehtimal olunur. Bu nəticə məşhur "Pangram" süni intellekt detektoru vasitəsilə əldə edilib.
Təhlildə sənəddə süni intellektə xas olan bəzi xüsusiyyətlər, o cümlədən Anthropic şirkətinin "Claude" modelinin tez-tez istifadə etdiyi "genuinely" (həqiqətən) sözünün əvvəlki ensiklikalarla müqayisədə daha çox işlədilməsi qeyd olunur. "The Verge" tərəfindən aparılan yoxlamada sənədin təxminən 2000 sözlük hissəsinin 46 faizinin süni intellekt tərəfindən yazıldığı müəyyən edilib.
Süni intellekt detektorları nə dərəcədə etibarlıdır?
Buna baxmayaraq, sənədin digər hissələri tamamilə insan əməyi kimi qeydə alınıb. Zhang bildirir ki, bəzi bölmələr "0% süni intellekt" kimi qiymətləndirilib. Həmçinin, Papa XIV Leonun çıxışının mətni "Pangram"dan keçirilərkən 100 faiz insan yazısı kimi təsdiqlənib.
Süni intellekt detektorları qüsursuz deyil və fərqli nəticələr göstərə bilər. Lakin "Pangram" tədqiqatçılar arasında etibarlı vasitə hesab olunur. 2025-ci ilin martında "Pangram" insan tərəfindən yazılmış mətni süni intellekt kimi səhvən işarələmə ehtimalının təxminən 10 000-də 1 olduğunu açıqlayıb.
Qeyd edək ki, bu, Papanın süni intellektə həsr olunmuş ilk ensiklikasıdır. Papa XIV Leon sənədi Anthropic-in həmtəsisçisi Kristofer Olah ilə birlikdə təqdim edib. Vatikan hələlik məsələ ilə bağlı şərh verməyib.
