Cyberpunk 2077 oyununun motivləri əsasında hazırlanan və böyük maraqla gözlənilən Cyberpunk: Edgerunners 2 animasiya serialının davamı ilə bağlı yeni məlumatlar paylaşılıb. Layihənin ilk anonsu və tizeri ötən ilin yayında Anime Expo 2025 festivalında təqdim edilmişdi.
CD Projekt Red şirkətinin məlumatına görə, serialın növbəti təqdimatı 4 iyul 2026-cı il tarixində Anime Expo 2026 çərçivəsində baş tutacaq. Tədbirdə serialın yaradıcı heyəti, o cümlədən şouranner Bartoş Ştıbor və rejissor Kay İkaraşi iştirak edəcəklər.
Yeni mövsüm haqqında bəzi detallar artıq məlumdur:
- Serial qisas və günahların yuyulması mövzusuna həsr olunmuş müstəqil bir hekayəni əhatə edəcək.
- İlk mövsümün əsas personajlarının davam seriyasında yer almayacağı gözlənilir.
- Bartoş Ştıborun sözlərinə görə, ikinci mövsüm daha qaranlıq, kədərli və qanlı olacaq.
- Layihə Netflix platformasında yayımlanacaq və 10 seriyadan ibarət olacaq.
Hazırda istehsal mərhələsində olan serialın dəqiq çıxış tarixi hələlik açıqlanmayıb; yaradıcılar layihənin hazır olduqda təqdim ediləcəyini bildirirlər.
