Anthropic şirkəti Claude Opus 4.8 modelini istifadəyə verib. Şirkət yeni modelin əsas üstünlüyü kimi onun "dürüstlüyünü" vurğulayır. Süni intellekt modellərinin ümumi problemi olan əsassız iddialar irəli sürmək və ya zəif sübutlarla öz işini mükəmməl kimi təqdim etmək məsələsində Opus 4.8 daha ehtiyatlı davranır.
İlkin testlər göstərir ki, yeni model öz işindəki qeyri-müəyyənlikləri daha çox qeyd edir və əsassız məlumatlar vermə ehtimalı daha aşağıdır. Şirkətin qiymətləndirmələrinə görə, Opus 4.8 yazdığı kodlardakı qüsurları əvvəlki versiya ilə müqayisədə təxminən 4 dəfə daha çox aşkar edə bilir.
Yeni funksiyalar:
- Səy səviyyəsinin tənzimlənməsi: İstifadəçilər Claude-un bir tapşırıq üçün nə qədər səy göstərəcəyini müəyyən edə bilərlər. Bu, token istifadəsini və limitləri idarə etməyə imkan verir.
- Dinamik iş axınları: Tədqiqat mərhələsində olan bu funksiya Claude-a daha böyük tapşırıqları yerinə yetirməyə imkan verir. Model işi planlaşdırır, yüzlərlə paralel alt agenti işə salır və nəticələri istifadəçiyə təqdim etməzdən əvvəl yoxlayır.
