Gələn ay keçiriləcək Tribeka Festivalı süni intellekt texnologiyası ilə ərsəyə gələn "Dreams of Violets" filminin premyerasına ev sahibliyi edəcək. 75 dəqiqəlik bu ekran əsəri İran hökumətinin yanvar ayında etirazçılara qarşı həyata keçirdiyi kütləvi qətliamın bədii dramatikləşdirilmiş versiyasıdır.
Filmin istehsalı 2000 dollara başa gəlib və o, jurnalist hesabatları, fotoşəkillər və şahid ifadələri əsasında hazırlanıb. Layihənin müəllifləri 2009-cu ildə İranı tərk etmiş qardaşlar Eş və Puya Kuşadır. Onlar filmin yaradılmasında Google-un "Nano Banana", "Kling AI" və Anthropic-in "Claude" alətlərindən istifadə ediblər.
"Fountain 0" şirkəti tərəfindən istehsal olunan film, böyük bir film festivalının əsas proqramına qəbul edilən ilk tammetrajlı, süni intellektlə yaradılmış canlı yayım (live-action) filmi hesab olunur. Müəlliflər bildirirlər ki, süni intellekt imkanları olmasaydı, bu filmi ərsəyə gətirmək mümkün olmazdı.
"Dreams of Violets" filminin nümayişi iyunun 10-da Tribeka Festivalı çərçivəsində baş tutacaq.
