"Windows Central" nəşrinin icraçı redaktoru Jez Corden-in məlumatına görə, "Playground Games" studiyasının üzərində işlədiyi yeni "Fable" layihəsi maliyyə baxımından gözlənilən limitləri ciddi şəkildə aşıb. Mənbələr oyunun büdcəsinin artıq "əxlaqsız" sayılacaq dərəcədə yüksəldiyini bildirirlər.
Bu maliyyə çətinliklərinə baxmayaraq, "Xbox" rəhbərliyi xərclərin geri qaytarılması üçün oyunu çoxşaxəli platformalarda təqdim etməyi planlaşdırır. Layihənin təkcə PC və Xbox Series X/S üçün deyil, həm də PS5 üçün buraxılacağı təsdiqlənib. Oyun həmçinin Game Pass abunəlik sistemində də yer alacaq.
"Fable" oyununu nə gözləyir?
Yeni "Fable" franşizanın tammiqyaslı yenidən başladılması (reboot) kimi təqdim olunur. Hadisələr qəhrəmanlara ehtiyac duyan Albion adlı fantastik ölkədə cərəyan edəcək və oyunçulara dinamik dünyanı kəşf etmək imkanı verəcək. Layihənin rəsmi çıxış tarixi 23 fevral 2027-ci il olaraq müəyyən edilib.
Hazırda "Xbox" şirkəti daxilində 3200 nəfərin ixtisarı ilə nəticələnən genişmiqyaslı restrukturizasiya prosesi davam edir. "Arkane Studios"dan fərqli olaraq, "Playground Games"də hələlik hər hansı kütləvi ixtisar barədə məlumat verilməyib. İyun ayında təqdim olunan 30 dəqiqəlik oyun prosesi (gameplay) ictimaiyyət tərəfindən böyük maraqla qarşılanmışdı.
