"Valve" şirkətinin rəsmi təşəbbüsünü gözləmədən, "ETA Prime" YouTube kanalının müəllifləri "SteamOS 3.9" sistemini "Asus TUF Gaming A14" noutbukuna quraşdırıblar. Cihaz 12 nüvəli "AMD Ryzen AI Max+ 392" prosessoru, "Radeon 8060S" inteqrasiya olunmuş qrafikası və 32 GB LPDDR5X-8000 operativ yaddaşı ilə təchiz olunub. Sınaqlar zamanı Wi-Fi, Bluetooth və digər periferik qurğuların sürücüləri ilə heç bir problem yaşanmayıb.
Oyun testləri zamanı noutbuk "Cyberpunk 2077", "Spider-Man 2" və "Doom: The Dark Ages" kimi ağır AAA layihələrində yüksək nəticələr göstərib. Məsələn, "Cyberpunk 2077" oyunu 1440p keyfiyyətində və yüksək parametrlərdə sabit 60 kadr/s sürəti ilə işləyib. "Halo: Campaign Evolved" və "Crimson Desert" oyunlarında da oxşar yüksək göstəricilər qeydə alınıb.
Enerji effektivliyi baxımından cihaz 800p ayırdetmə qabiliyyətində təxminən 2 saat 25 dəqiqə, 1200p rejimində isə 1 saat 40 dəqiqə işləyib. Daha az resurs tələb edən "Hollow Knight: Silksong" oyununda isə enerji istehlakı 16 Vt-dan aşağı düşüb ki, bu da 4-7 saat arası batareya ömrü təmin edib. Bu təcrübə "SteamOS" sisteminin güclü noutbuklarda da uğurla tətbiq oluna biləcəyini sübut edir.
