Rusiyanın tanınmış pərakəndə satış şəbəkəsi "M.Video", uzun müddətdir gözlənilən "GTA VI" oyununun satış strategiyasını açıqlayıb. Şirkətin məlumatına görə, oyunun qutulu versiyası üçün ilkin sifarişlər iyulun əvvəlində başlayacaq və qiyməti 9 999 rus rublu təşkil edəcək. Xatırladaq ki, beynəlxalq bazarda oyunun standart versiyası 80 ABŞ dolları (təxminən 6 min rubl) civarında qiymətləndirilir.
Oyunun fiziki versiyası ilə bağlı hansı xüsusiyyətlər var?
"M.Video"-nun açıqlamasına görə, "GTA VI"-nın disklə satılan versiyası əslində fiziki disk ehtiva etmir. Qutunun içərisində yalnız oyunun yüklənməsi üçün nəzərdə tutulmuş rəqəmsal kod olacaq və bu kod satışa çıxarılmamışdan bir həftə əvvəl aktivləşəcək. Bu texniki yanaşma səbəbindən bir sıra beynəlxalq pərakəndə satış mağazaları oyunu satmaqdan imtina edib.
"M.Video"-nun oyun və oyun icması üzrə rəhbəri Sergey Mezin bildirib ki, şirkət "GTA VI"-ya qarşı görünməmiş bir tələbat gözləyir. Oyun 19 noyabr tarixində "PS5", "Xbox Series X" və "S" platformaları üçün buraxılacaq və rəsmi rus dili tərcüməsi ilə təqdim ediləcək. İlkin sifariş verən müştərilərə isə oyun seriyası ilə bağlı xüsusi suvenirlər hədiyyə olunacaq.
