Uzun sürən şayiələrdən və təsdiqlənməmiş sızmalardan sonra "Rockstar Games" studiyası nəhayət ki, "GTA VI" üçün ön sifarişlərin start tarixini açıqlayıb. Şirkətin məlumatına görə, oyunun ön sifarişi 25 iyun tarixində "PS Store" və "Xbox Store" rəqəmsal platformalarında, eləcə də seçilmiş pərakəndə satış mağazalarında aktivləşəcək. Hələlik oyunun satış qiyməti barədə məlumat verilməyib.
Ön sifariş elanı ilə yanaşı, 32 saniyəlik qısa bir videoçarx və oyunun rəsmi üz qabığı da nümayiş olunub. Videoda birbaşa oyun prosesindən kadrlar yer almasa da, istifadəçilər artıq "Rockstar"-ın rəsmi saytından üz qabığının müxtəlif formatlı illüstrasiyalarını yükləyə bilərlər. Süjet xəttinə görə, oyunçular Ceyson Duval və Lusiya Kaminos adlı cinayətkarları idarə edərək, böyük bir cinayət sui-qəsdinin mərkəzində mübarizə aparacaqlar.
Oyun nə vaxt satışa çıxacaq və gözləntilər nələrdir?
"GTA VI"-nın rəsmi buraxılış tarixi 19 noyabr olaraq müəyyən edilib və oyun yalnız "PS5", "Xbox Series X" və "S" konsolları üçün əlçatan olacaq. Analitiklərin proqnozlarına görə, oyun böyük kommersiya uğuru qazanacaq. Xüsusilə, "Piper Sandler" investisiya bankı satışın ilk günündə 46 milyon nüsxənin satılacağını gözləyir.
