“The Verge” portalının məlumatına görə, “Govee” brendi smart ev sistemləri üçün nəzərdə tutulmuş bir sıra rəngdəyişən lampalarını əhəmiyyətli dərəcədə ucuzlaşdırıb. Kampaniya çərçivəsində Table Lamp 2 53,99 ABŞ dollarına (əvvəlki qiyməti 79,99 ABŞ dolları), Floor Lamp Basic 59,99 ABŞ dollarına (əvvəlki qiyməti 99,99 ABŞ dolları), Table Lamp Classic 55,99 ABŞ dollarına (əvvəlki qiyməti 79,99 ABŞ dolları) və Uplighter Floor Lamp 125,99 ABŞ dollarına (əvvəlki qiyməti 179,99 ABŞ dolları) təklif olunur.
Bütün bu cihazlar milyonlarla rəng çaları və tənzimlənən ağ işıq dəstəyi ilə təchiz edilib. İstifadəçilər “Govee” tətbiqi vasitəsilə xüsusi işıqlandırma ssenariləri yarada, qrafiklər qura və ya musiqi ilə sinxronlaşdırma funksiyasından istifadə edə bilərlər. Həmçinin, “Floor Lamp Basic” istisna olmaqla, digər modellər Matter standartını dəstəkləyir ki, bu da onları müxtəlif smart ev platformaları ilə uyğunlaşdırır.
Cihazların idarə edilməsi üçün Amazon Alexa və Google Assistant kimi səsli köməkçilərdən də istifadə etmək mümkündür. Table Lamp 2 yığcam ölçüsü ilə iş masaları üçün idealdırsa, batareya ilə işləyən Table Lamp Classic daşınabilən olması ilə fərqlənir. Daha geniş məkanları işıqlandırmaq istəyənlər üçün isə minimalist dizaynlı Floor Lamp Basic və ya üç müstəqil işıqlandırma zonasına malik Uplighter Floor Lamp daha uyğun seçim hesab olunur.
