"OpenAI" şirkəti uzun müddət tərəfdaşlıq etdiyi "Microsoft" korporasiyasının əsas fəaliyyət sahəsi olan ofis proqram təminatı bazarına daxil olub. San-Fransiskoda keçirilən Dev Day konfransında təqdim olunan yeni funksiyalar, iş proseslərini avtomatlaşdırmaq və komanda daxilində əməkdaşlığı gücləndirmək məqsədi daşıyır.
"Space" və "Pages" nəyi dəyişir?
Şirkətin baş direktoru Sem Altmanın təqdim etdiyi "Space" funksiyası, istifadəçilərə və onların "Dots" adlı İİ-agentlərinə birgə işləmək üçün vahid rəqəmsal məkan təqdim edir. Bu mühitdə fayllar və layihələr lokaldakı kimi saxlanılır və canlı şəkildə yenilənə bilir. Eyni zamanda, "Pages" aləti mətnlərin yazılması, diaqramların yaradılması və vizuallaşdırma üçün nəzərdə tutulmuş yeni nəsil sənəd redaktoru kimi çıxış edir.
İş axınında süni intellektin rolu
Yeni funksiyalar yalnız mətn redaktəsi ilə məhdudlaşmır; "ChatGPT" artıq istifadəçilərin müzakirələri əsasında avtomatik təqdimat slaydları hazırlamaq qabiliyyətinə də malikdir. Bu slaydlar üzərində bir neçə əməkdaş və ya İİ-agent eyni vaxtda dəyişikliklər edə və rəy bildirə bilər. Bu addım "OpenAI"-ın "Microsoft Word" və "Google Docs" kimi nəhənglərin dominantlıq etdiyi bazarda öz yerini tutmaq istədiyini göstərir.
