"Valve" şirkətinin məşhur VR-şuteri "Half-Life: Alyx" uzun fasilədən sonra yeni funksiyalarla yeniləndi. 2022-ci ildən bəri ciddi yeniləmə almayan oyun, 27 oktyabr tarixində yayımlanan yeni yama ilə foveal renderinq dəstəyini geniş auditoriyaya təqdim etdi. Bu texnologiya insan gözünün görmə qabiliyyətini təqlid edərək, mərkəzi sahədə yüksək detallılığı qoruyur, kənar sahələrdə isə keyfiyyəti aşağı salmaqla oyunun məhsuldarlığını əhəmiyyətli dərəcədə artırır.
Foveal renderinq nədir və necə işləyir?
Əvvəllər yalnız "Steam Frame" qarniturası üçün nəzərdə tutulan bu funksiya, artıq istənilən VR dəbilqəsində tətbiq oluna bilər. "PC Gamer" portalının məlumatına görə, "Valve" bu texnologiyanın ən yaxşı nəticə verməsi üçün göz izləmə (eye-tracking) funksiyası ilə birlikdə istifadəni tövsiyə edir. Şirkət, müxtəlif VR cihazlarında bu funksiyanı aktivləşdirmək üçün xüsusi təlimat da dərc edib.
Xatırladaq ki, 23 mart 2020-ci ildə istifadəyə verilən "Half-Life: Alyx" oyunçular tərəfindən 98% müsbət rəylə qarşılanmışdı. Hazırda oyun dünyasında "Valve" komandasının "hlx" kod adı altında gizli bir layihə – ehtimal olunan "Half-Life 3" üzərində beş ildir çalışdığı barədə şayiələr dolaşmaqdadır.
